Hópar á önninni

Börn fædd 2019 - 2021

Markmið í hópnum er að læra undirstöðuatriði í danslist. Áhersla er lögð á hreyfigleði, útrás, sköpun og tónheyrn og er kennslunni að stórum hluta komið til skila í gegnum söng og leik. Tímarnir eru kenndir á laugardögum.

Börn og unglingar fædd 2008 - 2015

B og C hópur halda áfram að æfa saman á þessari önn, en örlítil breyting verður gerð á stundaskrá. 

Í stað þess að æfa þrisvar í viku æfir þessi hópur tvisvar í viku, klukkutíma í senn, en þeir nemendur sem vilja æfa meira geta bætt við sig valtíma einusinni í viku. 

Í hópnum er áhersla lögð á að læra góða líkamsstöðu, samhæfingu líkamsparta í tæknilegum og skapandi æfingum, líkamsstyrk og liðleika, tónheyrn og taktvísi, listræna tjáningu, spuna, dansgleði, sköpun og samvinnu. 

Börn fædd 2015 - 2018

Í þessum hópi læra nemendur grunnatriði og -hugtök í ballett, jazz og nútímadansi. Áhersla er lögð á samhæfingu, liðleika, tækni, tónheyrn, dansgleði og spuna. Í kennslu er mikið lagt upp úr því að nemendur sýni ábyrgð, virðingu og eljusemi.